Şagirdlər “Yaşıl Bağ” layihəsində mövsümi tərəvəzlərin əkilməsi prosesini praktiki şəkildə öyrəniblər
“Yaşıl Bağ” aqronomluq bacarıqlarının inkişafına yönəlmiş layihə çərçivəsində növbəti təlim uğurla həyata keçirildi.
Bu dəfə təlim şagirdlərin iştirakı ilə təşkil olunmuş və onlar üçün xüsusi praktik məşğələ keçirilmişdir. Təlim zamanı aqronom İlham Həsənovun rəhbərliyi ilə mövsümə uyğun tərəvəz bitkilərinin əkilməsi prosesi əyani şəkildə nümayiş etdirilmişdir.
Şagirdlər əkin qaydaları, torpaq hazırlığı və bitkilərə düzgün qulluq üsulları barədə məlumatlandırılmış, eyni zamanda bu bilikləri praktik olaraq tətbiq etmək imkanı əldə etmişlər.
Layihə Mingəçevir şəhər N.Gəncəvi adına 8 nömrəli tam orta ümumtəhsil məktəbində Musayeva Ruhanə tərəfindən icra olunur.
