13 il azadlıqdan məhrum edilmə cəzası verilsə də həbs edilməsi unudulan adam
Anderson adlı bu adam 2000-ci ildə Missuri ştatında silahlı soyğunçuluqdan məhkum olunub və 13 il həbs cəzasına məhkum edilib. Ona həbsə nə vaxt və harada başlamaq barədə təlimatı gözləməsi bildirilir. Lakin həmin təlimat gəlmir.
Həftələr, aylar keçir. Andersonu itirib-axtaran olmur. O da elə öz adı ilə başını salıb aşağı, həyatına davam edir. Evlənir, uşaqları olur, normal işə düzəlir, avaralıqdan əl çəkib normal vətəndaş olur...
13 il sonra 2013-cü ildə Andersonun "həbsi" başa çatanda ABŞ məhkəmə sisteminin yadına düşür ki, bu adamı heç tutmayıblar. Anderson üçün hər şey düzəlmişkən, yenidən həbs edilir. Məsələ ictimailəşir və insanlar qərara etiraz edirlər.
Xoşbəxt sonluq: 2014-cü ildə 9 ay sonra Anderson həbsdən tamamilə azad olur. Belə bəxt olar?!
İstinad: NBCNews, CNN, CBC
Hazırladı: Albert Eynişeydi
