Təhsil sisteminə yeni nəfəs: MDU-nun rektoru Anar Eminov oldu
Anar Nazim oğlu Eminov 1982-ci ildə Sumqayıt şəhərində anadan olub. Orta təhsilini Sumqayıt Texniki və Təbiət Elmləri Liseyində başa vurub.
2003-cü ildə Azərbaycan Dövlət İqtisad Universitetində Beynəlxalq ticarət ixtisası üzrə bakalavr təhsilini bitirib. Daha sonra Türkiyədə Egey Universitetində və Dokuz Eylül Universitetində magistratura təhsili alıb. 2010-cu ildə Qərb Universitetində hüquq üzrə ikinci ali təhsilini başa çatdırıb.
2012-ci ildə Dünya iqtisadiyyatı ixtisası üzrə fəlsəfə doktoru elmi dərəcəsi, 2016-cı ildə dosent elmi adı alıb. 2020-ci ildə Azərbaycan Turizm və Menecment Universitetində “Sahə iqtisadiyyatı” üzrə elmlər doktorluğu proqramını tamamlayıb.
Anar Eminov 200-ə yaxın elmi məqalənin, 5 dərs vəsaiti və 1 monoqrafiyanın müəllifidir. Tədqiqat sahələrinə sosial yönümlü investisiya layihələrinin səmərəliliyi və dayanıqlı inkişaf problemləri daxildir.
